Ish-eprorit të UÇK-së, Salih Mustafa i është vazhduar masa e paraburgimit.
Vendimin për vazhdimin e paraburgimit e ka marrë gjyqtari i procedurës parapake, Nicolas Guillou të hënën më 25 janar 2021.
“Zyra e Prokurorit të Specializuar parashtron se rrethanat e gjetura nga Gjyqtari i Procedurës paraprake në rishikimin e parë të paraburgimit nuk kanë ndryshuar dhe ndalimi i z. Mustafa mbetet i domosdoshëm. Mbrojtja ka parashtruar se z.Mustafa duhet të lirohet ose të lirohet me kusht”, thuhet në arsyetimin e vendimit të gjykatësit Guillou.
Më tej në arsyet e ndalimit që ka përmendur gjykatësi Guillou është edhe rreziku i ikjes së Mustafës, shkruan Telegrafi.
“Zyra e Prokurorit të Specializuar pohon se rrethanat e shqyrtuara nga Gjyqtari i Procedurës paraprake në rishikimin e parë të Paraburgimit nuk ka ndryshuar dhe rreziku i ikjes nga Z. Mustafa mbetet, dhe mund të jetë rritur vetëm me zbulimin e mëtejshëm të provave në dhjetor të 2020”.
Arsye tjetër gjykatësi Guillou përmend edhe rrezikun e pengesave të progresin e procedurave të Prokurorit të Specializuar.
“Gjyqtari i procedurës paraprake konstaton se rreziku që mund të ketë z. Mustafa që të pengojnë përparimin e procedurave të Prokurorisë së Specializuar duke ndërhyrë në viktimat dhe dëshmitarët, mbetet ende”.
Guillou përmend si arsye tjetër të vazhdimit të paraburgimit për Mustafën edhe rrezikun e kryerjes së krimeve tjera, shkruan
“ZPS pohon se rrethanat e shqyrtuara nga Gjyqtari i Procedurës paraprake në rishikimin e parë të paraburgimit nuk ka ndryshuar dhe rreziku i kryerjes së mëtejshme të krimeve nga Z. Mustafa ende ekzistojnë dhe mund të jenë rritur me zbulimin të provave të mëtejshme në dhjetor 2020.
Fakti që z. Mustafa nuk është dënuar për ndonjë krim në njëzet vitet e fundit, se ai me sa duket nuk ka kryer ndonjë krim që kur ishte intervistuar si i dyshuar nga ZPS-ja dhe se ai nuk ka frikë të përballet me aktakuza, nuk e mohon vlerësimin se pasi ai tani është informuar për prova inkriminuese kundër tij, ai ka nxitje për të kryer krime të mëtejshme kundër viktimave të ose dëshmitarëve që dëshmojnë për sjelljen e tij të pretenduar.
Prandaj, gjyqtari i procedurës paraprake konstaton se rreziku që z. Mustafa të kryejnë krime të tjera mbetet”, thuhet në vendimin e gjykatësit Guillou.
