Kryetari i Istogut, z. Haki Rugova është zotuar që çdo ditë e më shumë Istogun ta bëj më të bukur. Ai sot gjatë ditës nënshkroi një marrëveshje me Agjencinë për Menaxhimin e Komplekseve Memoriale të Kosovës (AMKMK), me vlerë 350,000.00€, për vazhdimin e punimeve në kompleksin memorial dhe muzeun “Ibrahim Rugova” në Istog. Dhe shumë shpejt pritet të nisin punimet e këtij Kompleksi.
Postimi i plotë i z. Rugova në facebook është:
Sot nënshkruam marrëveshjen me Agjencinë për Menaxhimin e Komplekseve Memoriale të Kosovës(AMKMK), me vlerë 350,000.00€, për vazhdimin e punimeve në kompleksin memorial dhe muzeun “Ibrahim Rugova” në Istog. Nga Kuvendi i Republikës së Kosovës janë aprovuar 200,000.00€ ndërsa 150,000.00€ nga Komuna e Istogut. Fillimi i punimeve të memorialit dhe muzeut pritet të nisë shumë shpejtë. Më pas do të fillojmë punimet për vendosjen e shtatores së Presidentit Rugova.