Haradinaj përkujton vëllezërit e tij, Shkelzenin dhe Enverin

15.04.2018 12:06:48

Ramush Haradinaj, ka kujtuar vëllezërit e tij, Skelzenin dhe Enverin, duke thënë se familja e tyre ka pas shumë dhimbje e padrejtësi, por kjo dhembje duhet të kthehet në forcë.

“Shkëlzen dhe Enver, pushka juaj i dha krah lirisë! Familja jonë ka pas shumë dhembje e padrejtësi. Sot këtë dhembje duhet ta kthejmë në forcë, që t’ia besojmë lirinë ligjit dhe përditë të angazhohem që të triumfojë drejtësia në vendin tonë. Pushoni të qetë vëllezër”, ka shkruar Haradinaj në facebook, përcjell Telegrafi.

Vëllezërit e Ramushit, Shkelzeni dhe Enveri ishin lufëtar të UÇK-së.

Shkëlzen Haradinaji kishte rënë më 6 maj të vitit 1999 në kufirin shqiptaro-shqiptar, derisa me një grup bashkëluftëtarësh po hynin në Kosovë.

Kurse Enver Haradinaj u vra në rrethana të pasqaruara më 16 prill 2005 në Raushiq tëPejës. Ai ishte pjesëtar i UÇK-së dhe gjatë luftës është plagosur.