Helmimi masiv në Bulqizë, dyshohet për metalet

07.05.2019 17:58:58

Ndonëse ende nuk gjetur shkaku i helmit të banorëve të Bulqizës raste që paraqiten në spital për kujdes shëndetësor janë pakësuar. Gjatë kësaj të marte ka pasur vetëm 5 raste.

Dyshimet kryesore janë hedhur tek intoksikimi i ujit të pijshëm ndaj banorëve të Bulqizës u është ndaluar konsumi i ujit të rrjetit që i furnizon me ujë te pijshëm.

Por nga ana tjetër pamundësia financiare për të konsumuar ujë të blerë i ka detyruar disa familje t’u drejtohen burimeve në mal ku për të siguruar ujë u duhet të udhëtojnë gati një orë.

Ndërkohë Instituti i Shëndetit Publik ka analizuar mostrat e ujit të mbërritura nga drejtoria e Shëndetit Publik Bulqizë për të cilët përjashtohet ndotja bakteriologjike si Esheria Coli apo-streptokok.

Por një grup specialitetesh nga Instituti i Shëndetit Publik ka shkuar në Bulqize për të hetuar më tej

“po kërkojmë edhe për salmonele, prandaj duhen pritur edhe disa ditë për rezultate të sakta” u shpreh specialisti.

Uji vijon te mbetet ende dyshimi i eksperteve ndërkohë që pritet përgjigjja e analizave pas disa ditësh.