Zëvendëskryeministri i Kosovës, Avdullah Hoti, pas shkarkimit të Bordit të Drejtorëve të Telekomit, ka paralajmëruar se ky është vetëm fillimi.
Zëvendëskryeministri i Qeverisë së Kosovës, Avdullah Hoti, ka paralajmëruar se në ditët në vijim do të analizohen raportet e auditimit dhe performancës të të gjitha ndërmarrjeve publike.
Si rezultat, pas kësaj, siç ka thënë Hoti, Qeveria do të ndërmerr vendimet meritore lidhur me bordet e tyre.
“Duhet të shpëtojmë nga falimentimi këto ndërmarrje”, ka thënë Hoti.
Deklarata e zëvendëskryeministrit Hoti vjen pasi në mbledhjen e sotme të Qeverisë së Kosovës, është miratuar shqyrtimi i propozimit për vendim të shkarkimit të drejtorëve të bordit të ndërmarrjes publike “Telekomi”.
Postimi i plotë i Hotit pa ndërhyrje:
Sot ishte vetem fillimi.
Sot Qeveria ka shkarkuar Bordin e Telekomit.
Ne ditet ne vijim do te analizojme raportet e auditimit dhe performances te te gjitha ndermarrjeve publike dhe do te marrim vendimet meritore lidhur me bordet e tyre.
Duhet te shpetojme nga falimentimi keto nderrmarrje.