Isco udhëheq Realin drejt fitores ndaj Espanyol

01.10.2017 23:32:22

Isco i sjell pak buzëqeshje Realit në Primera Divizion, me los blancos që mundën 2-0 Espanjolin në “Santiago Bernabeu” duke marrë fitoren e dytë radhazi dhe duke u ngjitur disi në klasifikim. Dy gola të 25 vjecarit i dhanë 3 pikët ekipit të Zidane në një ndeshje që nuk ishte dhe aq e thjeshtë për kampionët e Spanjës. Reali madje pati nevojë për plot 30 minuta për të gjetur golin, me Iscon që u shërbye nga Ronaldo për epërsinë.

Espanyol nuk kishte ardhur në Madrid për shëtitje dhe në pjesën e dytë vuri në vështirësi në disa momente madrilenët, por pa gjetur dot golin e barazimit. Përballë Realit duhet të shfrytëzosh rastet që paraqiten pasi los blancos janë të aftë të ndëshkojnë në cdo moment dhe kështu ndodhi pasi në të 71-tën sërish Isco dërgoi topin në rrjetë duke i vënë vulën 3 pikëve për Realin.

Një fitore që ruan diferencën me Barcelonën kryesuese, e cila gjithsesi pas 7 javësh mbetet sërish e konsiderushme, plot 7 pikë.