Në kalimin kufitar “Bogorodica” në kufirin ndërmjet Maqedonisë dhe Greqisë sot ishin krijuar kolona të gjatë të veturave dhe për të hyrë në Greqi pritet me orë të tëra, raportojnë mediat maqedonase.
Për të hyrë në Greqi më së shumti po presin veturat me regjistrim të Maqedonisë dhe të Serbisë, shkruan lajmi.net.
Ndërkohë, disa udhëtar për shkak të pritjeve të gjata e kanë humbur edhe durimin, kështu që në kufi ka ardhur deri te incidentet.
Mediat maqedonase thonë se ka qenë një maqedonas që e ka sulmuar fizikisht një serb, duke i shkaktuar lëndime të rënda trupore.
