KEDS, përmes një komunikate për media ka bërë të ditur që kjo kompani nuk ka asnjë ndikim ose autoritet në përcaktimin e cmimeve të energjisë elektrike.
Në këtë komunikatë thuhet se KEDS asnjëherë nuk ka njoftuar se ose deklaruar se do të ketë rritje të cmimit, pasi që as lirimi e as ngritja e cmimit nuk është në kompetencë të kësaj kompanie.
“Jemi të habitur që njerëzit që po thirrin për protestë ende e drejtojnë këtë protestë gabimisht ndaj nesh, duke vënë kështu në pikëpyetje motivin e vërtetë të saj.” Thuhet më tej në komunikatën e KEDS.
“Dëshirojmë ta informojmë publikun se KEDS është vetëm një nga akterët e zinxhirit të energjisë në Kosovë, me detyrimin dhe përgjegjësinë e qartë për shpërndarjen dhe furnizimin me energji elektrike.” Shkruhet në reagimin e KEDS.