Ndaj deklaratës të së sapo të aderuarit në Lidhjen Demokratike të Kosovës, Driton Selmanaj se nëse kjo parti do t’i bashkohet koalicionit PDK-AAK-Nisma, ai do të largohet nga kjo parti, ka reaguar edhe këshilltari i Isa Mustafës, Faton Abdullahu.
Postimi i Abdullahut në Facebook:
Mbi një deklaratë të z. Driton Selmanaj
MOS FOL GOJË KUR S’KE NEVOJË
“Nëse LDK shkon në koalicion me PDK unë do të largohem nga LDK”. Kjo është deklarata e të sapo aderuarit në LDK z. Selmanaj.
Në kohën kur po thuhen shumë gjëra prej të cilave edhe shumë të pavërteta për koalicionet e mundshme, shumëkush këtë deklaratë e kuptoj edhe si aludim se, paska të vërtetë në atë që po thuhet me sherr në disa media se LDK do të bëj koalicion me PDK-n.
Edhe pse këtë e ka bërë të qartë edhe kandidati për Kryeministër z. Avdullah Hoti edhe Kryetari i partisë LDK z. Isa Mustafa, z. Selmanaj prap e ka pa të nevojshme ta ripërtyp këtë, si duket pa e kuptuar aludimin se po i bon një të keqe jo të vogël LDK-së në rrethana shumë të ndieshme.
E tash në këtë shtëpinë e madhe që i thonë LDK për dallim nga CLICK ka njëfarë rendi tjetër që Selmanaj duhet ta mësoj – përndryshe “mos fol gojë kur s’ke nevojë”.(sic), ka shkruar Abdullahu në Facebook.
