Sot në orën 9:30 minuta, Policia e Kosovës së bashku më inspektorët e ministrisë së Mjedisit dhe Planifikimit Hapësinorë janë duke ndërmarrë një aksion në Brezovicë.
Siç merr vesh lajmi.net, arsyet e operacionit policor, së bashku me institucionet tjera relevante, janë kontrollimi i lejeve të lëshuara nga komuna e Shtërpcës, sa është janë duke u respektuar këto vendime. Cak i këtij operacione janë të përfshirit kryesor për keqpërdorime në këtë rajon.
Ndryshe, operacioni policor u konfirmuar për lajmi.net nga zëdhënësja e policisë Luljeta Mehmeti.
“Mund të konfirmojmë se me autorizimin e Prokurorisë Themelore në Ferizaj është duke u zhvilluar një operacion në këtë rajon në bashkëpunim me institucionet tjera relevantë”, ka thënë Mehmeti duke theksuar se detaje të tjera nga policia do të ketë më vonë gjatë ditës.