Kohë e bruztë
(Prill 27, 2018)
Erdhi kjo kohë e bruztë
me njerëz blu e verdhë
në lojën e dyzuar pushtet
na i bjerri të gjitha ëndrrat
Ne heshtëm sot e nesër
Lirisë ia zhveshën të gjitha
petkat dhe lavdinë
Heroinat e Heronjtë veç kocit
e hirit në varre morën
e lanë pas veti asgjë
pikëllimin në popull
Në ditet e përkujtimeve
Ata që ua morën të gjitha
kujtojnë u stolisën
me lavdinë e Tyre
e ditëve të veçanta
ata tallen me vetëveten tregëtojnë
me emrin Kosovë
Kjo kohë e bruztë e vartësve
Blu e verdhë ka zënë ç ‘moti
lëngatën e nënshtrimit
Trumbetën e harresës për dje
e mbollen në kopshtin e karremit
me pak dhunti pikëllimi teatral
një mordje tinzare
në gjymtyrët e tokës
tashme të askujt e gjithkujt Kosovë
Në perëndim dielli
ligësia zhytet në errësirën e trishtit
prapa reve kapërdinë shpresat
as nesër as kurrë do të behet mirë
me kurrizthyer
Heroinat nuk janë kukullat
e panairit në këmbim të imixhit
Blu e verdhë
Iku dhe një dite trilli me debat
koti ne shtëpinë e Kosovës
nje semundje xhepash gjithandej…
