Komuna e Ferizajt reagon ndaj informacioneve të plasuara sot në media, sipas të cilave qentë endacakë e kanë pushtuar qytetin, ndërsa Komuna nuk po ndërmerr asgjë për eliminimin e tyre.
Drejtoria e Bujqësisë e Ferizajt konsideron se problemi i qenve endacakë, është problem i tërë Kosovës dhe i rajonit; se tashmë ka përfunduar trajtimi i 1300 qenve endacakë në komunën e Ferizajt dhe se do të vazhdojnë fazat tjera të trajtimit të tyre, që kanë për qëllim paaftësimin e qenve të pazot për t’u shumuar; se ka raste kur në mënyrë të organizuar sillen qen endacakë nga komunat tjera dhe shkarkohen në Ferizaj dhe se ngritja e këtij problemi në fillim të fushatës zgjedhore, nuk është i rastësishëm, duke marrë parasysh se qentë e pazot janë problem i vjetër me dekada.
E vetëdijshme se nuk mund ta zgjidh në afat të shkurtër, Komuna e Ferizajt ndan shqetësimin me qytetarët për këtë dukuri dhe i bën me dije se po merret seriozisht me këtë problem, duke i trajtuar në faza qentë endacakë, deri në zhdukjen e tyre.
