Gjermania nga sot fillon lehtësimin e kufizimeve të bllokimit nga koronavirusi duke rihapur disa dyqane.
Gjermania filloi të lehtësojë kufizimet e saj të bllokimit të hënën, duke lejuar bizneset dhe dyqanet të rihapen ndërsa vendi ndërmerr hapa të vegjël drejt normalitetit, raporton Cnn.
Dyqanet deri në 800 metra katrorë në madhësi mund të rihapen, për sa kohë që ato kanë masa higjiene dhe distancimi social.
Libraritë, shitjet e makinave dhe dyqanet e biçikletave gjithashtu lejohen të rihapen pavarësisht nga madhësia e tyre. Në disa rajone të Gjermanisë, kopshtet zoologjike po rihapen. Rihapja e dyqaneve dhe bizneseve ndryshon nga shteti në shtet.
Kjo vjen pasi qeveria javën e kaluar tha që virusi në vend ishte “i menaxhueshëm”.
Instituti Robert Koch, agjensia kombëtare e Gjermanisë për kontrollin dhe parandalimin e sëmundjeve, raportoi të premten se çdo person i infektuar me Covid-19 tani infekton më pak se një person tjetër mesatarisht.
