Kosova i ktheu gra e fëmijë, Shqipëria pa strategji për të kthyer fëmijët nga kampet siriane

21.10.2019 23:59:35

Ministri i Drejtësisë në Kosovë Abelard Tahiri ka qenë në një lidhje direkte me emisionin “Open” të Eni Vasilit në Top Channel dhe ka folur për punën që ka bërë Kosova për të riatdhesuar qytetarët që kishin shkuar në Siri.

Nga shtatori i vitit 2018 janë emëruar si shef i një Task Force. Kemi pasur rreth 400 qytetar në Siri dhe tani kanë mbetur mbi 100. Kemi pas partneritet të ngushtë sidomos me SHBA dhe në anën tjetër inteligjenca ka vepruar mjaft mirë. Ne qëllimin e kishim që këto viktima ti riatdhesojmë dhe ata që janë të dyshuar do të dalin para drejtësisë – tha ministri.

I pyetur nga gazetarja Eni Vasili, nëse mendon se Shqipëria nuk po e bën këtë gjë? Ai tha: Në europë ka qenë një debat shumë i ashpër në rast se do ti kthejmë apo jo. Ne këtë operacion e kemi mbajtur shumë të fshehtë dhe askush nuk e ka ditur se çfarë do të bëhej me këta persona.