Qeveria e Kosovës zhvilloi një mbledhje të jashtëzakonshme për situatën e krijuar në Shqipëri, ku u mbajt dhe një minutë heshtje për viktimat e tërmetit.
Kryeministri në largim, Ramush Haradinaj njoftoi se përveç njësive të FSK-së dhe Policisë së Kosovës, është bërë edhe mobilizimi I kompanive private që kanë kontratë me ekzekutivin kosovar, me qëllim që të jenë në gjendje gatishmërie për çfarëdolloj nevoje.
Ndërmarrjet publike Trepca dhe Koorporata Energjetike e Kosovës kanë dërguar gjithashtu ekipe zjarrfikësish. Ndërsa Ministria e financave ka propozuar alokimin e një ndihme prej 500 mijë eurosh për të prekurit nga tërmeti.