Në Komisionin Qendror të Zgjedhjeve në Shqipëri, po zhvillohet rinumërimi i disa kutive të votimit të qarkut të Tiranës.
Deri tani është mbyllur numërimi i qendrës së votimit 1558/1, që i ka dhënë PDIU-së një votë plus.
Gjithashtu është mbyllur numërimi i qendrës së votimit 2113, ku sërish PDIU ka siguruar një vote plus.
Qendra numër 1587/1 i ka dhënë ndërkohë dy vota plus partisë së kryesuar nga Shpëtim Idrizi.
Ndërkohë, kuti të tjera të rinumëruara, pas pretendimeve të kësaj partie për parregullësi, kanë rezultuar në rregull.