Kryeministri Edi Rama u shpreh se alternativa e vetme e votimit për emigrantët shqiptarë është me postë. Por procesi ka shumë vështirësi, tha ai dhe kërkon kohë. Konkretisht, Edi Rama theksoi se problemi lidhet me regjistrimin e shqiptarëve në vendet që ndodhen jashtë kufijve. Në një mënyrë apo tjetër, kryeministri u shpreh besimplotë se votimi i emigrantëve do të realizohet, qoftë edhe duke filluar me një projekt pilot. Edi Rama dy fjalë i kishte edhe për debatin politik në Shqipëri, por sqaroi se te vota e emigrantëve nuk ka divergjencë të shfaqur.
“Ajo që duhet sqaruar paraprakisht është së pari, ne jemi në një proces të një reforme zgjedhore, i pa ndodhur më parë, pasi sot nuk jemi dy palë, por tre palë dhe në njëfarë mënyre, skena e palëve politike që duhet të merren vesh është trepolare, shumica parlamentare, një opozitë brenda dhe një jashtë parlamentit. Nga pikëpamja aritmetike, kodi dhe reforma zgjedhore në tërësi duan një shumicë të cilësuar që ne nuk e disponojmë dot, por nga pikëpampja e traditës duam të respektojmë një vijimësi të një procesi gjithëpërfshirës, që nënkupton një mirëkuptim mes tre palëve, ne me dy palë të tjera, që pavarësisht se janë produkt i të njëjtit bark janë në divergjencë ekstreme me njëri tjetrin”, tha kryeministri.
Më tej ai theksoi se “kur vjen puna te vota e emigrantëve nuk ka divergjencë të shfaqur, por nuk kemi dakordësi në momentin që flasim. Procesi ka qenë i ngatërruar dhe konfliktual dhe ulja në tryezë u bë me vonesë të jashtëzakonshme dhe në kushte specifike, atëherë optimizimi është më i vogël se do të ishte normalisht. Ne i kemi studiuar dhe Majko është marrë për metodat e realizimit të votimit nga jashtë, por për arsye nga jashtë, por për arsye të konfliktit politike e kemi përjashtuar votimin në ambasada dhe konsullata, që mund të ishte i realizueshëm”.
Pavarësisht vullnetit të mazhorancës, edhe pse nuk ka ndonjë qartësi nëse emigrantët do të votojnë pas një vite, por vetëm me vullnetin se do të votojnë në zgjedhjet e ardhshme, kryeministri nxori në pah edhe vështirësitë.
“Por është më i vështirë nga lëvizshmëria, pasi ata që nuk e kanë ambasadën apo konsullatën afër do të ishte e komplikuar. Ne kemi lënë si alternativë të vetme votimin me postë, por ka gjëra që lidhen me regjistrimin, jo vetëm në Shqipëri, por vendin ku është. Është një proces që kërkon kohë, jemi duke punuar çdo ditë. Jemi duke punuar për një opsion elektronik të regjistrimit, përputhshmërie mes listës së votuesve që gjenerohet nga regjistri i gjendjes civile dhe personave të regjistruar, por jemi herët të themi se kjo gjë mund të realizohet. Unë kam besim se në një mënyrë apo tjetër mund të hyjmë në këtë proces, qoftë edhe me një projekt, zonë, votim, projekt pilot”, theksoi Rama.
Rama zbuloi se AKSHI po punon për një opsion elektronik të regjistrimit, i cili përfshin listën e votuesve dhe të të interesuarve por nuk është ende i realizueshëm por nuk përjashtohet që të ketë një projekt- pilot për votën e emigrantëve.
‘’Duke qenë se, ju që e ndiqni nga larg, dhe ju që e shihni nga larg e shihni më mirë, procesi ka qenë konfliktual. Ulja në tryezë është bërë e vonuar. Në kushte shumë specifike, realizimi i kësaj mundësie është shumë i vogël. Sigurisht që për arsye historike të konfliktit politik, ne e kemi përjashtuar mundësinë e votimit nëpër ambasada dhe konsullata, që do ishte një arsye kontestimi dhe mosbesimi shumë të madh. Mund të ishte i realizueshëm nga pikëpamja e integritetit, dhe është më i vështirë nga pikëpamja e lëvizshmërisë, dhe konsullatën dhe ambasadën nuk e ka aq afër, do ishte po aq e komplikuar. Ne kemi lënë si alternativë të vetme votimin me postë. Por ka një sërë divergjencash. Adresën e tij apo të saj në vendin ku është. Proces që do kohë. Ne kemi ecur nga kuadri ligjor. Nuk kemi humbur kohë nga ana e infrastrukturës. Jemi në këto kushte sot. Opozita në parlament e ka këtë një kërkesë insistuese. Ne vetë e kemi objektiv. Ndërkohë jemi duke punuar çdo ditë dhe këtu është i pranishëm dhe ministri i brendshëm, edhe drejtorja e AKSHI-t. Po punojmë për një opsion elektronik të regjistrimit. Mes listës së votuesve që gjenerohet nga regjistri i gjëndjes civile dhe personave të interesuar. Por nuk jemi në kushtet që të themi që kjo do realizohet. Ne mund të hyjmë në këtë proces qoftë edhe me një projekt apo zonë, votim projekt- pilot. Por kjo është situata ku ndodhemi.’’- tha
