Shtatë milionë euro dyshohet të ketë pasur borxh, e shumë mashtrime në emër të Çamërisë, Festim Lato, i cili u gjet i vdekur javën e kaluar në kanalin Amsterdam-Rhinë.
Ndonëse hetimet po vazhdojnë ende, vdekja e tij po lidhet me mashtrime të shumta. Sipas gazetës së përditshme holandeze “De telegraaf”, viktimat janë një noter dhe ish-partnerë biznesi, përcjell Gazeta Metro.
Nën ‘maskën’ e luftës për një Çamëri të pavarur, Lato iu afrua dhjetëra sipërmarrësve në Holandë. Njëri prej viktimave është ‘Vincenti’, i cili nuk e tregon emrin e vërtetë nga frika e hakmarrjes. Për shkak të “qëllimeve të mira” të Latos, “Vincent” thotë se i ka dhënë “një shumë me pesë zero” atij, që i kishte bërë disa premtime.
“Për bamirësinë. Dhe për një fitim të vogël, ne do të tregtonim me vendin e ri, do të fitonim një pozicion të mirë dhe do të merrnim pjesën tonë të aksioneve, plus kthimin. Ne shkuam në një takim ku tha se republika ishte themeluar dhe kjo ishte mjaft zyrtare, me diplomatë e njerëz me status “,- thotë Vincenti.
Ai thuhet se ka pasur ‘të paktën shtatë milionë euro’ thotë një tjetër ish-punonjës, ndërsa në prill të këtij viti falimentoi. Sipas “Vincent”, vitin e kaluar Lato ishte duke u ndjekur nga policia. Hetimi kishte nisur pas denoncimit të personave që Lato kishte mashtruar. Por një zëdhënës i policisë nuk pranon të komentojë.
Disa besimtarë nga rrethi i ngushtë i Lato-s pohojnë se ai është angazhuar në aktivitete kriminale.
“Figurë mafioze”, e quan njëri prej tyre.
“Ai gjithmonë kishte mijëra euro para të gatshme”, thotë një tjetër.
Në shtëpi, Lato kishte një grup shqiptarësh të fortë rreth tij.
“Dhe gjatë udhëtimeve ne ishim të shoqëruar nga truproja private të armatosura, flinin në hotelet më luksoze dhe udhëtonin me Mercedes të blinduar, por nuk mund të vazhdojë të flas më”, – thotë një holandez që ka punuar për të.
Për vite të tëra, “luftëtari i lirisë” për Çamërinë, Lato, arriti të mbajë lart paraqitjet, thonë ish-punonjësit.
“Ai u bashkua me organizatat ndërkombëtare, organizoi konferenca dhe shkoi në Parlamentin Europian në Bruksel dhe Pallatin e Paqes në Hagë. Lato bënte shpesh foto para flamujve të vendeve evropiane dhe me personalitete”.
Drejtori i Pallatit të Paqes Erik de Baedts u shpreh se “Nuk e kemi njohur kurrë. Në qoftë se nuk do të kishte vdekur do të kishim marrë masa ligjore”, pas falsifikimeve të shumta që ai kishte bërë.
Një noter zbërthen akoma më shumë skemën e mashtrimit të Latos.
“Ky njeri ka shkaktuar shumë mjerim. Ai çoi shumë familje në humnerë financiare duke i mashtruar për Çamërinë. Ai kishte falsifikuar dokumentet zyrtare, për t’u dukur se organizata e tij kishte miliona euro nga Bashkimi Evropian. Ai u kërkoi njerëzve dhjetëra mijëra euro. Njerëzit e përfshirë pastaj do të shpërbleheshin bujarisht për këtë. Në disa raste ai përfshiu njerëz të ndryshëm në dorëzani dhe i vuri nën kontroll”, thotë noteri, i cili shton se dëshiron të mbetet anonim për shkak të detyrës së tij.
“E kuptoj se paratë që ai vodhi shkuan në Shqipëri. Duhet të ketë miliona euro. Si vdiq ai? Duket shumë e mundshme që të jetë hakmarrje. Me sa duket ai u ngatërrua me personin e gabuar”, shton ai.
