Policia e Kurbinit ka sekuestruar 11 kg marijuanë në Kurbin dhe ka arrestuar dy persona, të cilët dyshohet se janë autorë të thasëve me kanabis që u zbuluan një ditë më parë në hidroforin e fshatit Adriatik të Lezhës.
Në pranga kanë rënë shtetasit Nikoll Koça, 25 vjeç, dhe Rajmond Prenga, 21 vjeç, banues në Kurbin. Këta dy persona u arrestuan pasi gjatë patrullimit në vijën bregdetare iu sekuestruan 11 kg lëndë e dyshuar narkotike kanabis sativa.
Më datë 23.10.2016, në zbatim të planit operacional “Për parandalimin dhe goditjen e veprimtarisë kriminale të trafikut të lëndëve narkotike”, shërbimet e F.N.Sh-së, të Policisë Kufitare Shëngjin dhe të Seksionit kundër Narkotikëve në D.V.P. Lezhë, gjatë patrullimit në kufirin bregdetar, kanë goditur një rast të tentatives për trafikimin të lëndëve narkotike nga vija bregdetare. Konkretisht në Adriatik u konstatua mjeti me targë AA 814 GD, ku gjatë kontrollit të ushtruar i’u gjet dhe sekuestrua në cilësinë e proves materiale, 11 kg lëndë e dyshuar narkotike e llojit Cannabis Sattiva e futur në 2 thasë të zinj, e fshehur në mjet.
Gjithashtu dje janë gjetur 15 thasë të mbushur me mbetje të bimëve narkotike Cannabis -Sattiva në Hidrovor – Adriatik , Kurbin dhe këta 2 shtetas dyshohen si poseduesit e tyre.
Materialet procedurale u referuan Prokurorisë së Rrethit Gjyqësor Kurbin për vepren penale “Prodhim dhe shitje e lëndëve narkotike”.