Lucaj, me banim në Rufina, në provincën e Firences, u ekzekutua me pistoletë ndërsa ishte në makinën e tij, e parkuar në një shesh në Cavallermaggiore (komunë në provincën Cuneo, në Piemonte). Një tjetër shqiptar i cili ishte në makinë me viktimën, 25-vjeç, u plagos në kokë.
Ngjarja
Sipas rindërtimit të parë të ngjarjes, dy shqiptarët ishin në makinën tip “BMË X3”, e parkuar pranë disko “Evita”.
Rreth orës 4:30, makinës së shqiptarëve i janë afruar disa persona (2 ose 3) në këmbë që pas një sherri me fjalë kanë qëlluar tre plumba. Autorët kanë qëlluar me një pushkë dhe një pistoletë ndaj shqiptarëve.
Më pas, ata ia dyshohet se mbathën në këmbë mes fushave pranë vendngjarjes. Nuk përjashtohet që autorët t’ia të kenë përdorur një makinë për t’u arratisur.
Lucaj mbeti i vdekur, ndërsa 25-vjeçari, u plagos në kokë, e megjithatë arriti të telefononte ambulancën. Pas u dha alarmi, në vendngjarje shkuan edhe karabinierët, transmeton syri. Shqiptari i plagosur, i cili nuk e humbi kurrë vetëdijen, është dërguar në spitalin e Savigliano-s, ku po merr mjekim.
Hetimet
Raportohet se karabinierët janë tashmë në gjurmët e autorëve. Vrasja dyshohet se është një larje hesapesh mes rivalëve në dashuri.
Hetimet po drejtohen nga zëvendësprokurorja Gabriella Viglione.