Drejtoria për Media dhe Marrëdhënie me Publikun në Kuvendin e Kosovës, ka reaguar rreth lajmit të publikuar në media se një person është kapur duke vjedhur naftë nga gjeneratori në Kuvend.
Përmes një njoftimi për media, Kuvendi sqaron se i arrestuari nuk është pjesë e stafit të Kuvendit të Kosovës, por punëtorë i një kompanie e cila ishte kontraktuar për mirëmbajtje, përcjell lajmi.net.
Ky është njoftimi i plotë:
Sqarim
Lidhur me artikullin “Arrestohet i dyshuari, u kap duke vjedhur naftë nga gjeneratori në Kuvend”, publikuar sot në portalin www.indeksonline.net
– Punëtori i arrestuar nga policia nuk është pjesë e stafit të Kuvendit, por punëtor i Kompanisë “Schafberger”, e kontraktuar nga Kuvendi për mirëmbajtje.
– Gjeneratori, ndërkaq, është pronë e Kuvendit por që mirëmbahet nga kompania “Schafberger”.
– Për çdo informacion shtesë lidhur me rastin, ju lutem adresojuni organeve përkatëse të sigurisë.
