Partia më e vjetër shqiptare në Maqedoni, Partia për Prosperitet Demokratik sot ka mbajtur një kongres të jashtëzakonshëm ku kanë zgjedhur kryetarin e ri, njëherit edhe kryetar i mëparshëm i partisë.
Abdyladi Vejseli është kryetari i ri i PPD-së i zgjedhur me shumicë votash në kongresin e sotëm të mbajtur në pallatin e kulturës në Tetovë.
Vejseli ka premtuar se do ta kthejë partinë në lavdinë e mëparshme kurse ka thënë se janë duke u përgatitur për zgjedhjet e ardhshme parlamentare.
Më herët, kreytar të partisë kanë qenë Faton Aliti, Nexhat Bexheti dhe Teuta Llalla.
Kjo parti ka qenë edhe nëpër konteste gjyqësore se kush do të jetë kryetari i partisë.
