Laura Boldrini, kryetarja e Dhomës së Parlamentit Italian ka folur sot në Parlamentin Shqiptar. Ajo ka treguar emocionet e kohës kur ka punuar në Shqipëri në fund të viteve 90. Boldrini vlerësoi mikpriten e Shqipërisë, veçanërisht të popullit të Bajram Currit, ku edhe pse ishte një zonë e varfër, përsëri kanë pritur refugjatët si vëllezër.
“Më lejoni të lexoj një shkëputje të vogël të një artikulli që kam botuar në fund të muajit mars 1998: “Kamionët e UNHCR lënë refugjatët para bashkisë së Bajram Currit, apo të qyteteve të tjera. Në këtë moment ndodh diçka e vecantë, e jashtëzakonshme për një vëzhgues të huaj. Brenda një ore nga momenti i mbërritjes, të gjithë refugjatët merren nga familjet të cilat janë të gatshme ti strehojnë. Pikërisht në këtë zonë të thellë të Shqipërisë hasim një shembull të jashtëzakonshëm dhe prekës të solidaritetit. Pavarësisht vështirësive materiale që hasen në këtë qark, i konsideruar si më të varfërit në Europë, shqiptarët nuk hezitonin të hapnin dyert e shtëpive për ata që i quajnë vëllezër dhe jo refugjatë”- tha Boldrini.
