Lidhja Demokratike e Kosovës edhe zyrtarisht ka triumfuar në qytetin e Istogut, me 14 vota para Aleancës për Ardhmërinë e Kosovës.
Haki Rugova pas numërimit të votave me kusht dhe me postë, ka arritur të mbetet ende kryetar i Istogut.
Pas kësaj fitoreje, Lidhja Demokratike e Kosovës është partia me numrin më të madh të komunave të fituara në zgjedhjet lokale, gjithsej tetë
Partia e Isa Mustafës ka fituar në Vushtrri, Pejë, Gjilan, Viti e Fushë Kosovë.
Kjo parti ka mbajtur pushtetin edhe në Lipjan, Podujevë, dhe së fundi në Istog.
Pas LDK-së, vjen AAK-ja me shtatë komuna të fituara, kurse PDK-ja i ka pesë.
Vetëvendosja ndryshe ka triumfuar në Prizren, Prishtinë dhe Kamenicë.
Gjatë natës së mbrëmshme fitoren në Istog e shpalli Gani Dreshaj i AAK-së.
Por e gjithë kjo doli të jetë një gabim teknik i KQZ-së dhe pas numërimit të votave me kusht dhe me postë, Rugova doli 14 vota përpara Dreshajt.