Qeveria e Komunës së Prishtinës dhe kryetari i saj nuk ua kanë vazhduar mandatin drejtoreshave të institucioneve parashkollore të Komunës së Prishtinës me përjashtim të drejtoreshës së IP “Dielli” në Kodrën e Diellit, bashkëshorti i së cilës është familjar i Qëndron Kastratit – shef i grupit të asamblistëve të VV-ës në Asamblenë Komunale të Prishtinës. Kështu po konsideron Lidhja Demokratike e Kosovës-dega në Prishtinë.
Grupi parlamentar i Lidhjes Demokratike të Kosovës ia përkujton kryetarit të komunës, Shpend Ahmeti, se dikur ai zotohej se do të luftoj nepotizmin dhe do të bëjë departizimin e institucioneve edukativo – arsimore, por sipas LDK-së, sot po ndodhë e kundërta.
“Pra, rreth 95% e të përzgjedhurve deri më sot janë anëtarë dhe militant të Lëvizjes Vetëvendosje, ose të afërm të tyre”, ka njoftuar Grupi parlamentar i Lidhjes Demokratike të Kosovës në Kuvendin e Prishtinës në një komunikatë për media.
LDK vlerëson se kështu ndodhi edhe me drejtoreshat e IP-ve, të cilave, përkundër përvojës së gjatë dhe cilësisë së lartë profesionale në fushën e arsimit, nuk u ofruan, së paku, nga një vend pune, për të cilën gjë rrergullativa ligjore e obligon DKA-në dhe Komunën dhe përzgjodhi kuadro të besueshme të VV-ës dhe të afërme të strukturave të VV-ës.
“Grupi parlamentar i LDK-ës dëshiron të njoftoj opinionin se politikat diskriminuese kadrovike që po ndjek Shpend Ahmeti kanë instaluar metodologjinë e eliminimit duke e keqpërdorur instrumentin e konkursit dhe duke bërë vazhdimisht shkelje proceduarale gjatë përzgjedhjeve kadrovike për të cilën gjë ka konstatuar edhe auditori i jashtëm në Raportin e Auditorit për vitin 2015. E njëjta metodologji është zbatuar edhe gjatë vitit 2016”, thuhet tutje në reagimin e LDK-së.
