Lewis Hamilton ishte më i shpejti në të dy sesionet e para të provave të lira të zhvilluara në Australi.
Britaniku, i çliruar nga konkurrenca e rivalit të përjetshëm Nico Rosberg, kërkon menjëherë dominimin. Në sesionin e parë, Hamilton e ndali kronometrin në 1.24.926 dhe la pas shokun e skuadrës Valteri Bottas. Pas tij u renditën makinat e Red Bullit, ndërsa Vettel nuk shkoi më larg se vendi i 5.
Në sesionin e dytë, rivalitetin Hamilton e kishte me gjermanin e Ferrarit. Në fakt, edhe në këtë sesion Hamilton kishte më shumë shpejtësi dhe pas 17 xhirove e zbriti kohën në 1.23.620.
Vettel ishte pak më shumë se gjysmë sekonde më ngadalë. Pas tyre u renditën Raikkonen dhe Bottas.
