Pas shpalljes së fitores së Emmanuel Macron, kanë qenë të shumta urimet nga liderët europianë dhe jo vetëm.
Presidenti në ikje Francois Hollande, i cili ka mbështetur hapur Macron në raundin e dytë shkruan në Twitter: “Të gjitha dëshirat e mia shkojnë për suksesin e vendit tonë”.
Kryeministrja britanike Theresa May gjithashtu ka uruar presidentin e ri të Francës, duke theksuar se shpreson që të ketë një bashkëpunim të mirë me të.
Gjithashtu, një tjetër urim, Macron e ka marrë nga Presidenti i Komisionit Europian, Jean-Claude Juncker, i cili shkruan: “Të lumtur që qytetarët francezë zgjodhën një të ardhme europiane”.
Donald Tusk, kreu i Këshillit Europian thekson: “Macron është një fitore për lirinë, barazinë dhe vëllazërinë mbi ‘tiraninë e lajmit të rremë”.
Për Macron, nuk ka munguar urimi as nga kancelarja gjermane Angela Merkel.
