Dardanët tashmë janë mbledhur para hotelit ku po qëndron Kosova në Plzen.
Përfaqësuesja jonë do të përballet në kuadër të kualifikimeve për Euro 2020 me Republikën Çeke.
Ndeshja që fillon në ora 20:45 do të zhvillohet në ‘Doosan Arena’ të Plzenit, e që do të jetë një ndeshje vendimtare për Kosovën.
Dardanët kanë filluar këngën para hotelit ku qëndron ekipi ynë, në mënyrë që t’i motivojnë para këtij takimi të vështirë, raporton telegrafi.
Një numër i madh i tifozëve tanë tashmë kanë shkuar në Çeki dhe atmosfera e zjarrtë nuk mungon.