Diego Maradona kritikoi thashethemet e përhapura mbi përkeqësimin e shëndetit të tij në stadium, të martën. Ai e bëri këtë në programin e tij “De la Mano del Diez”. “Unë i them të gjithë botës se jam shumë i gjallë dhe shumë mirë. Në rrjetet sociale, një gënjeshtër e pakuptimtë u bë virale. U kërkoj mediave të mos përhapnin lajme të rreme. Le të keni zili, mos thuani gënjeshtra. Përpiquni të punoni dhe të bëni një program më të mirë se yni”, – tha Maradona.
Për më tepër, ish-futbollisti i njohur, kampion bote, analizoi atë që ndodhi të mërkurën në Botë: “Meksika u kualifikua me meritë, sidomos pas shuplakës që i dha Gjermanisë në fillim. Gjermanët ulen përsëri me këmbët në tokë, le ta fillojnë përsëri nga e para. Unë mendoj se Meksika ishte kombëtarja që e animoi Kupën e Botës në këtë fazë të parë dhe e meriton të jetë në 1/8 finale”.
