Drejtori i Zyrës për Kosovën në Qeverinë e Serbisë, Marko Gjuriq, nesër do ta vizitojë flotacionin e kombinatit Trepça në Leposaviq.
“Gjuriq do të bisedojë me udhëheqjen, përfaqësuesit e Sindikatës dhe punëtorët e Trepçës”, thuhet në njoftimin e Zyrës për Kosovën, përcjellë lajmi.net.
Kjo është vizita e parë e Gjuriqit në “Trepçë” qëkur Parlamenti i Kosovës miratoi ligjin për Kombinati Trepça, me të cilin ky gjigant është shpallur pasuri nacionale e Kosovës.
Ky ligj është kundërshtuar nga Beogradi zyrtar, mirëpo krerët e shtetit të Kosovës kanë thënë prerazi se për “Trepçën” nuk do të bisedohet me Serbinë, sepse është pasuri e popullit të Kosovës.
Gjuriq vizitën në Trepçë e fillon në orën 15 e 30, ky më pas do të ketë edhe një konferencë për media.