Në Bruksel është mbyllur takimi i delegacionit të Kosovës dhe atij të BE-së.
Ka përfunduar takimi i delegacionit të Kosovës i kryesuar nga Kryeministri Ramush Haradinaj me delegacionin e Bashkimit Evropian, të udhëhequr nga Federica Mogherini.
“Tanjug” shkruan se pas takimit, është anuluar konferenca për media ku pritej të paraqiteshin kryesuesit e dy delegacioneve, transmeton lajmi.net.
Arsyet e anulimit të konferencës ende nuk janë bërë të ditura por mediat serbe raportojnë se Haradinaj ka refuzuar thirrjet e BE-së për shfuqizimin e vendimit të taksës 100 për qind ndaj mallrave të importuara nga Serbia dhe Bosnja e Hercegovina.
Temë e konferencës ka qenë marrëdhëniet ndërmjet Kosovës e Serbisë pas vënies së taksës nga Kosova 100 % për mallrat e Serbisë.
