Në ditën e vdekjes së Arbër Xhaferit, kryetari i PDSH-së Menduh Thaçi e ka vizituar varrin e kryetarit legjendar të partisë që ai drejton tani.
Menduh Thaçi u bë kryetar i partisë së dytë shqiptare në Maqedoni pasi kryetari i ndjerë tashmë për shkaqe shëndetësore e la fronin e partisë në vitin 2007 në kongresin e rregullt të partisë që u mbajt në Strugë. Në atë kohë PDSH ishte në pushtet.
Menduh Thaçi njihet për ndryshimin që ia bëri udhëheqjes së partisë duke e centralizuar udhëheqjen dhe duke i fokusuar vendimet e sjella nga partia në mënyrë vertikale, pra sot vendos vetëm Menduh Thaçi në parti. Kjo praktikë, më herët nuk përdorej nga PDSH që udhëhiqej nga Arbër Xhaferi.
