Meta flet për datën e re të zgjedhjeve: Do thërras Bashën dhe Ramën

14.06.2019 14:02:17

Presidenti shqiptar Ilir Meta ka dalë sot në një deklaratë për media, ku iu përgjigj gazetarëve në lidhje me nisjen e procedurave nga ana e PS për shkarkimin e tij.

Ai tha se presidenti është i Republikës dhe Republika e shqiptarëve. “Presidenti është zgjedhur nga Parlamenti, natyrisht jo nga ky; por nga një Parlament tërësisht legjitim. Presidenti i takon Republikës dhe Republika i takon qytetarëve”, ishte reagimi i Ilir Metës ndaj tentativës për shkarkimin e tij nga ana e Partisë Socialiste.

Meta deklaroi sot se do të dekretojë shumë shpejt datën e re të zgjedhjeve vendore dhe thërrasë për konsultë, kreun e PD, Lulzim Basha dhe kreun ePS, Edi Rama, raporton Tch.

“Sa më parë të jetë e mundur po punojmë me qetësi dhe përgjegjësi. Dekreti është në fuqi dhe Presidenti mban shëdim për çdo institucion që shkel ligjin”, paralajmëroi Meta.