Me më shumë se 100,000 njerëz që pritet tëmbushin Sheshin e Shën Pjetrit të dielën, duke përfshirë të paktën 13 kryetarë të shteteve ose qeverive, siguria është një shqetësim i dukshëm duke qenë se grupi Shteti Islamik ka thënë se Roma është objektivi i tyre përfundimtar si seli e krishterimit. Për muaj të tërë, policia ka mbyllur për trafikun bulevardin kryesor që çon në Vatikan. Në pritje të turmave që priten të dielën, policia e Romës ka shtuar një mijë oficerë, shumë prej tyre të ekipeve të anti-terrorizmit, në një forcë të zbatimit të ligjit që tashmë është forcuar nga 2.000 për vitin e jubileut. Plani i sigurisë bën thirrje për zonën përreth Shën Pjetrit që të ndahet në tri zona me kontrolle të përforcuara duke filluar natën e së shtunës dhe të zgjasin deri të dielën. Hapësira ajrore mbi Vatikanin dhe zonat përreth do të jetë e mbyllur.
