Këshilltari politik i ministrit të Infrastrukturës, Fatos Mani tha se rrugët janë të kalueshme, ndërsa në disa zona po intervenohet për shkak të rrëshqitjeve të dheut. Kjo po ndodh kryesisht në zonat malore.
“Rruget jane ne gjendje te mire dhe te kalueshme, perveç kilometrit te 13’te ne rrugen e Boges, ku ekziston rrezik i perhershem per shembjen e gurëve, per shkak te erozionit. Edhe ne disa zona tjera ka nga pak rreshqitje, por intervenohet menjehere nga kompanite e Mirembajtjes”, tha Mani.
Edhe Policia e Kosovës ka konfirmuar se deri më tani nuk ka ndonjë informatë për përmbytje në ndonjë zonë apo rrugë.
“Nuk kemi asnjë informatë se ka përmbytje në ndonjë zonë apo rrugë”, tha zëdhënësi i policisë, Bajram Krasniqi.
Të kalueshme janë rrugët edhe në komunën e Gjakovës, tha zëdhënësja e policisë së Gjakovës, Lirije Podrimaj.
