Ministrja e Drejtësisë, Dhurata Hoxha vizitoi të trajtuarit në Qendrën Korrektuese në Lipjan.
Gjatë vizitës, Hoxha u informua nga afër rreth kushteve, trajtimit, dhe problemeve, që të trajtuarit në këtë qendër mund t’i kenë.
Në bashkëbisedim, Ministrja Hoxha dëgjoi ankesat, kërkesat dhe rrëfimin e të trajtuarve në këtë qendër, për jetesën dhe aktivitetet që ata i zhvillojnë brenda qendrës.
“Me këtë rast, u diskutuan edhe shumë çështje tjera me interes për stafin udhëheqës të qendrës dhe të trajtuarit, si dhe u diskutua për gjetjen e mundësive më të mira për të ndikuar në përmirësimin e kushteve të përgjithshme”, thuhet në njoftimin e Ministrisë së Drejtësisë.
Të gjitha palët u dakorduan që përkrahë trajnimeve ekzistuese, të punohet edhe më shumë në ngritjen dhe përforcimin e trajnimeve tjera profesionale, aktiviteteve sportive dhe rekreacioni.
