Mjeku shqiptar Tritan Kalo bën apel: Na besoni, na dëgjoni. Jemi në vijën e parë të luftës…

12.03.2020 12:33:04

Pasi OBSH-ja shpalli pandeminë botërore të koronavirusit, mjeku i njohur Tritan Kalo, pjesë e ekspertëve që po merren me situatën në vend, ka një apel të fortë. Ai u bën thirrje shqiptarëve të dëgjojnë ekspertët, t’u besojnë dhe të mbështesin ata për zbatimin e gjithë këshillave dhe masave të marra.

“Eksperiencat e fituara tashmë nga beteja me Covid-19 në Kinë, në Kore, në Iran, në Itali e gjetkë, na shërbejnë edhe NE si shembuj për atë çfarë mund dhe duhet bërë më mirë, si dhe të “korigjojmë shënjestrën” e objektivave tona…..VETNDËRGJEGJËSIMI për rreziqet individuale dhe kolektive që paraqet infeksioni nga Covid-19, mbetet “kyçi i artë” i fitores së betejës ndaj sëmundjes vrastare”- shkruan ai ne nje shenim ne faqen e tij ne Facebook.

Mesazhi i mjekut Tritan Kalo:

MASË EPIDEMIOLOGJIKE e sugjeruar OBSH-së më 28 Shkurt, e cila më së fundmi u përcaktua si e tillë…Covid-19 tashmë është në stadin e PANDEMICITETIT të saj, diçka që na bën të jemi më ALERT në mundësinë e përhapjes si sëmundje në popullatë….Përcaktimi i situatës epidemiologjike si një PANDEMI edhe na “rëlakson njëkohësisht mendërisht”, sepse jemi tashmë më shumë popuj në këtë BETEJË për jetën, dhe se kjo e keqe tashmë MUND e DUHET të mposhtet për hir të jetëve tona, si dhe të ardhmërisë së vetë njerëzimit……”TRIMI i mirë me shokë shumë” – shprehet populli ynë…..

EKSPERIENCAT e fituara tashmë nga beteja me Covid-19 në Kinë, në Kore, në Iran, në Itali e gjetkë, na shërbejnë edhe NE si shembuj për atë çfarë mund dhe duhet bërë më mirë, si dhe të “korigjojmë shënjestrën” e objektivave tona…..VETNDËRGJEGJËSIMI për rreziqet individuale dhe kolektive që paraqet infeksioni nga Covid-19, mbetet “kyçi i artë” i fitores së betejës ndaj sëmundjes vrastare….Na dëgjoni, Na besoni, Na mbështesni në betejën tonë ndaj Covid-19, dhe të gjithë së bashku me siguri që do ta mposhtim atë….JEMI për ju në vijën e parë të luftës ndaj sëmundjes Covid-19 për TRIUMFIN e JETËS!!!