Mogherini dhe Vuçiq bisedojnë për tarifën, Trepçën dhe dialogun

07.02.2019 12:08:10


Presidenti i Serbisë, Aleksandar Vuçiq dhe Përfaqësuesja e Lartë e BE-së , Federica Mogherini kanë zhvilluar një bisedë telefonike për të shqyrtuar situatën në Ballkanin Perendimor në veçanti për raportet ndërmjet Prishtinës dhe Beogradi

Përfaqësuesja e Lartë, Federica Mogherini përmes një postimi në Twitter ka thënë se biseda me presidentin Vuçiq është fokusuar te dialogu dhe normalizimi i raporteve me Kosovën.

“Bisedova me presidentin Vuçiq për rrugën përpara rreth dialogut. Një marrëveshje gjithëpërfshirëse, ligjërisht e obligueshme për normalizimin e gjitha çështjeve të hapura është urgjente dhe thelbësore për Kosovën dhe Serbinë, për përparimin drejt BE-së, stabilitetin dhe paqën në rajon. Tarifat duhet të largohet, bisedimet duhet të vazhdojnë” ka shkruar Mogherini.

Federica Mogherini@FedericaMog

Spoke to @predsednikrs @avucic on way forward in #Dialogue. Comprehensive, legally binding normalisation agreement on all open issues is urgent & crucial for #Serbia #Kosovo to advance to #EU & for stability, peace in region. Tariffs need to go, talks need to resume1169:14 PM – Feb 6, 2019Twitter Ads info and privacy114 people are talking about this

Presidenti Vuçiq ka thënë gjatë bisedës se dialogu mund të vazhdojë vetëm pas tërheqjes së tarifës ndaj mallrave serbe nga ana e Prishtinës dhe ndaljes së provokimeve siç është miratimi i Statutit të Trepçës, thuhet në një komunikatë nga Presidenca serbe.

Ai ka thënë se masat të tilla të njëanshme nga ana e Prishtinës dëmtojnë stabilitetin e rajonit.

Në bisedë u theksua se Serbia është e përkushtuar për zbatimin e reformave të nevojshme në rrugën evropiane, thuhet në komunikatë.