Përfaqësuesja e Lartë e BE-së, Federica Mogherini, gjatë javës së ardhshme më 19 dhjetor do të mbledhë në një takim jo formal udhëheqësit e gjashtë vendeve të Ballkanit Perëndimor në Bruksel, njoftoi Komisioni Evropian.
Sipas mediumit “European Western Balkans”, takimi do të mbahet në formë të një dreke pune me krerët e Ballkanit Perëndimor
Pritet që në takim të marrin pjesë presidenti i Kosovës, Hashim Thaçi, presidenti i Serbisë, Aleksandar Vuçiq, presidenti i Malit të Zi, Milo Gjukanoviç, kryeministri i Maqedonisë, Zoran Zaev dhe kryetari i Këshillit të Ministrave të Bosnje dhe Herzegovinës, Denis Zvizdiç.
Pjesëmarrja e kryeministrit të Shqipërisë, Edi Rama nuk është konfirmuar ende.
