Në 24 orët e fundit në Itali, kanë humbur jetën nga koronavirusi 651 persona. Ndërkohë, 46 638 është numri i të prekurve në vendin fqinj, me një rritje prej 3957 nga dita e djeshme.
Numri total i të prekurve nga Covid-19 në Itali, përfshirë viktimat dhe të shëruarit, është 59 138. Të sëmurët në terapi intensive janë 3009. Mbi 7000 është numri i të shëruarve nga koronavirusi në Itali.
Ndërkohë, disa pamje të bëra publike tregojnë një burrë të shtrirë përtokë pa ndenja. Ai mbante një maskë mbrojtëse në fytyrë dhe ishte në tokë pranë një stacioni autobusi në Romë të Italisë.
Fotot tregojnë momentin kur ai merret nga ambulanca. Nuk dihet ende nëse kemi të bëjmë me një rast koronavirusi.
