E përditshmja serbe “Blic” ka publikuar fotografitë e para të Nehat Thaçit, pasi është liruar nga paraburgimi në Beograd.
Thaçi është liruar sot rreth orës 16:00.
Nehat Thaçi ka dalë i lirë nga qendra e paraburgimit në Beograd. Fotoreporterët kanë kapur momentet e para kur ai doli nga kjo qendër, pas vendimit të Gjykatës së Lartë për lirimin e tij.
Mediat serbe kanë dhënë edhe arsyet për lirimin e Nënkolonelit Nehat Thaçi. Sipas tyre, Thaçi i cili akuzohet për përndjekjen e një familjeje serbe nga Lipjani, nuk është akuzuar nga dëshmitarët, prandaj edhe kanë pushuar hetimet.
Drejtori i Policisë për Mitrovicë, Nehat Thaçi, ishte arrestuar mëngjesin e 29 shtatorit, në kufirin e Dheut të Bardhë. Dy ditë më vonë ndaj tij ishte caktuar masa e paraburgimit prej 30 ditësh.
