Ky vendim kishte ardhur, siç pati deklaruar Mustafa, në mënyrë që fushata të jetë sa më racionale e me shpenzime më të ulëta, dhe pati thënë se e respektojnë ambientin, pronat publike dhe private.
Mirëpo, sipas ankesave që kanë shkuar në Panelin Zgjedhor për Ankesa dhe Parashtresa në KQZ, del se më së shumti dënime i janë shqiptuar pikërisht LDK-së, e si duket gjobat kanë qenë të ndërlidhura me posterë.
Për këtë, Mustafa tha se LDK do të publikojë emrat e atyre që nuk respektojnë heqjen dorë nga posterët, që dëmtojnë ambientin dhe buxhetin e partisë.
“LDK do të publikojë emrat e atyre që nuk respektojnë heqjen dorë nga posterët, që dëmtojnë ambientin dhe buxhetin e partisë. Do të kërkojmë që dënimet t’i paguajnë ata që thejnë rregullat dhe se nuk do të kërkojmë votë për ata/ato nga qytetarët dhe anëtarësia e LDK-së”, ka shkruar Mustafa në Facebook.