Mustafën e presin dy interpelanca (Video)

16.08.2016 20:24:32

Lëvizja Vetëvendosje ka sfiduar kryeministrin e Kosovës, Isa Mustafa, me dy kërkesa për interpelanca. E para kërkesë ka të bëjë me gjendjen e sigurisë në veri, ndërsa e dyta për telekomin.

Sipas zyrtarëve të VV-së, këto ballafaqime janë kërkuar për shkak se konsiderojnë se Qeveria e tanishme duhet të japë llogari për këto dy tema.

Por, nga VV thonë se nuk befasohen në rast se kryeministri Mustafa nuk do të paraqitet në këto interpelanca pasi “ata janë mësuar me ikjet e tij nga pyetjet e deputeteve”.