Një polic i Kosovës është goditur nga një veturë në autostradën “Ibrahim Rugova”, derisa ishte në detyrë.
Zëdhënësi i Policisë së Kosovës, Daut Hoxha e konfirmoi rastin për Telegrafin, ndërsa tha se polici i lënduar rëndë gjendet në QKUK dhe është jashtë rrezikut për jetën.
Sipas informatave të Telegrafit, polici i ka të dy këmbët e thyera.
Hoxha bëri të ditur se i dyshuari është arrestuar.
“Ka ndodhur një aksident me lëndime të rënda trupore në autostradën Ibrahim Rugova, po fatbardhësisht sipas informacioneve që i kemi polici është jashtë rrezikut për jetë. Sipas raportit, polici është dërguar në QKUK pasi iu ka dhënë ndihma emergjente në vend ngjarje. I dyshuari është arrestuar dhe është në proces të hetimit dhe në vazhdim të procedurave tjera konform ligjeve”, tha Hoxha.
