Policia ka arrestuar në flagrancë në qytetin e Korçës, një 32 vjeçar, i cili ka tentuar të djeg nënën e tij pas një konflikti për motive të dobëta.
Personi i arrestuar është shtetasi Emiljan Tushini, i cili sipas policisë, dyshohet se pas një konflikti për motive të dobëta me nënën e tij shtetasen M.T, 52 vjeç, i ka hedhur kësaj të fundit benzinë në trup dhe më pas i ka vënë flakën.
Për pasojë shtetasja M.T, ka pësuar djegie trupore dhe është transportuar për ndihmë mjekësore në Spitalin Rajonal të Korçës, ku ndodhet nën kujdesin e mjekëve.
Autori i kësaj ngjarje është larguar menjëherë nga banesa, por policia arriti ta arrestonte. Emiljan Tushini është i dënuar më parë për veprat penale: “Vjedhja” dhe “Plagosje e lehtë me dashje”.
