Për çdo shtet është shumë me rëndësi të ketë kardiokirurgji publike, pasi shëndetësia publike është e hapur dhe e qasshme për secilin dhe në çdo kohë, ndërsa disa prej intervenimeve më të komplikuara si raste urgjente më së shpeshti bëhen në shëndetësinë publike, deklaroi Antonio Maria Kalafiore, kardiokirurg italian, i cili sot dhe nesër qëndron në Maqedoni që të mbajë ligjerata në Klinikën universitare për kardiokirurgjinë shtetërore, përcjell Telegrafi Maqedoni.
Sipas tij, e domosdoshme është të krijohet sektor publik, i cili do të pajiset mirë, efektiv dhe shërbyes.
“Më me rëndësi është që kjo të bëhet përmes gjetjes së njerëzve nga vendi, të cilët punojnë, ndërsa ne do të ndihmojmë me pajisje dhe ndihmë të domosdoshme teknike”, deklaroi Kalafiore, i cili është një nga themeluesit e kardiokirurgjisë evropiane dhe botërore dhe sipas metodave të të cilit punohen disa teknika minimale invazive të zemrës.
Ai vlerëson se në Maqedoni punët në kardiokirurgji bëhen në mënyrën e vërtetë dhe se iniciativa për ligjerime të tilla është e mirë, pasi këmbëhen përvoja mes kardiokirurgëve.
Kardiokirurgu Sashko Jovev nga Kardiokirurgjia shtetërore në Shkup vlerësoi se mjaftë mirë po zhvillohen dhe se punojnë një spektër të tërë të operacioneve kardiokirgjike.
