Në Podujeve lokalet e lojërave të fatit të hapura, policia arreston tre persona

08.06.2019 13:37:04

Në fshatin Sekiraq të Podujevës janë arrestuar tre persona nën dyshimin për organizim të skemave piramidale, bixhozit të paligjshëm.

Policia njoftoi se, janë arrestuar tre të dyshuar dy meshkuj dhe një femër të gjithë K/Shqiptarë pasi të njëjtit nga njësitë policisë, inspektorët e ATK-së dhe Doganës janë takuar në një lokal të lojërave të fatit.

Dy prej të dyshuarve janë punëtorë të lokalit ndërsa tjetri kishte qenë duke luajtur në një aparat të lojërave.

Gjatë kontrollit nga inspektorët është konstatuar se biznesi dhe aparatet e lojërave kanë qenë të pa licencuara, ku nga ta janë konfiskuar 11 aparate të lojërave të fatit, ndërsa nga njësit policore janë konfiskuar 6654  euro.

Pas intervistimit tre të dyshuarit me vendim të prokurorit janë dërguar në mbajtje, rasti vazhdon të hetohet.