Në Spitalin e Pejës aktualisht po trajtohen 70 pacientë me COVID-19, ndërsa prej tyre 11 janë në gjendje më të rëndë. 43 pacientë janë në oksigjeno-terapi, ndërsa pacientët tjerë kanë një gjendje më stabile.
Në njoftimin për media bëhet e ditur se gjatë vikendit të fundit në Spitalin e Përgjithshëm në Pejë, 630 pacientë kanë marrë trajtim emergjent shëndetësorë.
Nga këta 48 pacientë janë shtrirë për trajtim të mëtutjeshëm. Gjatë vikendit kanë qenë 13 lindje, 8 normale dhe 5 me prerje cezariane. Janë̈ lindur 13 foshnje, 6 të gjinisë mashkullore dhe 7 të gjinisë femërore.
Gjatë vikendit të fundit në Spitalin e Përgjithshëm në Pejë janë kryer 11 operacione, ndërsa 413 pacientë kanë kryer analiza, që në total kanë bërë 4,231 analiza.
