Ditën e djeshme, u raportua për keqtrajtimin e një fëmija në një prej çerdheve të kryeqytetit. Ndërkaq, inspektorati sot e ka mbyll këtë çerdhe, ndërsa gruaja që dyshohet se keqtrajtoi një vjeçarin, është arrestuar dhe i është shqiptuar masa e ndalimit prej 48 orësh.
Në këtë video ku shihet një edukatore e kopshtit “Cambridge Kids” në Prishtinë, duke keqtrajtuar një fëmijë 16 muajsh ka tronditur vendin, pasditen e së martës. Kjo video e cila bëri bujë në rrjetet sociale ishte publikuar nga nëna e fëmijës së keqtrajtuar, Naile Gori e cila aktualisht gjendet në Afrikë.
Përmes një bisede telefonike për RTV Dukagjini ajo ka shpjeguar ngjarjen që qoj deri në raportim në Polici.
“Burri rastësisht ka kërkuar të sheh djalin, pasi ia ka dëgjuar zërin duke qarë. Ai tha deri poshtë po dëgjohet zëri i tij duke qarë dhe ka kërkuar ta sheh si po e bëjnë gati djalin. Ai në kamerë e ka parë skenën që e kam postuar unë. Më pas ka kërkuar të rikthehet sekuenca dhe e ka regjistruar me telefon”, tha për RTV Dukagjinin, Naile Gori.
Gjatë të mërkurës, Inspektorati pasi që ka parë nga afër situatën, e ka mbyll këtë institucion parashkollor, derisa të siguroj një licencë nga ministria e arsimit.
“Inspektorati ka konstatuar se i ashtuquajturi kopshti në fjalë nuk është i licencuar nga ana e MAShTI-t dhe nuk figuron as në listën e kërkesave për licencim. Për këtë qëllim, në përputhje me kompetencat ligjore, Inspektorati menjëherë ka filluar procedurat për ndaljen e ushtrimit të veprimtarisë së këtij institucioni derisa i njëjti të pajiset me licencë përkatëse në MAShT”.
Gjatë ditës së marte, vet kjo çerdhe, ka marr masa ndaj gruas duke e pushuar nga puna, aktualisht ajo është nën masën e mbajtjes pre 48 orëve, pas arrestimit nga policia.
Pas këtij rasti edhe qytetarët nuk qëndruan të heshtur ata filluan edhe me një peticion online të cilët po kërkojnë mbylljen e kopshtit “Cambridge Kids” në kryeqytet.
