Ish ministri Genc Ruli ka marrë vendim për të mos e vazhduar më tej karrierën politike. Vendimin ai ia ka komunikuar ditët e fundit edhe kryetarit të PD-së, Lulzim Basha.
Mësohet se ai i ka komunikuar tërheqjen nga kandidimi dhe politika njëkohësisht kreut të PD-së, Lulzim Basha.
Genc Ruli, një nga themeluesit e Partisë Demokratike, u rikthye në PD në vitin 2005, pas një kohe të gjatë jashtë politikës.
Në tre legjislaturat e fundit, ai ishte deputet i Gjirokastrës, ku fillimisht u zgjodh në mazhoritar dhe më pas në dy legjislatura kryesonte listën në këtë qark.
